دغه سازمان په یوه بیان کې ویلي چې، حسین ابراهیم طه په جده کې د اسلامي همکاریو د سازمان د وزیرانو د شورا د پنځوسمې غونډې په لومړنۍ ناسته کې د افغانستان د وضعیت په اړه د دغه سازمان د هڅو او نوښتونو په اړه خبرې وکړې.
په بیان کې نور جزئیات نه دي ورکړل شوي، خو او آی سي په وار وار د طالبانو پر رژیم د افغان ښځو او نجونو په سر د محدودیتونو په خاطر نیوکه کړې ده.
په وروستي مورد کې د افغانستان لپاره د او آی سي ځانګړي استازي طارق علي بخیت د روان کال په اپریل میاشت کې د او آی سي د یوه پلاوي په مشرۍ کابل ته سفر وکړ، چې د طالبانو له چارواکو سره یې وکتل او په افغانستان کې یې د ښځو د اساسي حقونو د تامین پر اړتیا ټینګار وکړ.
د اسلامي همکاريو د سازمان د غړو هېوادونو د بهرنيو چارو وزيرانو هم په يوه ګډه پرېکړه ليک کې له طالبانو وغوښتل چې د افغانانو د ټولو حقونو په ځانګړې توګه د نجونو او ښځو د کار او تعلیم حقوق خوندي کړي.
URL تعقيب: https://www.ansarpress.com/pashto/32833
